Dahil sa biglang-taas sa maraming electric bill, may mga consumer na idinaan na lang sa katuwaan ang pagsilip ng kanilang babayaran sa paraan ng "bill reveal." Pero ang mataas na bayarin sa kuryente, posible pa raw magtuloy-tuloy hanggang sa Hunyo.
Dahil sa mahal na bayarin, mas kilala raw ngayon si "judith" o due date, kaysa kay "marites" o ang tawag sa tsismosa.Ayon sa isang opisyal ng Philippine Rural Electric Cooperatives Inc. , baka hindi idaan sa tawanan ang posibleng galit na maramdaman ng iba sa sandaling malaman na tataas ang singil din sa kuryente sa lalawigan.
May mga electric cooperative na pinag-aaral na umano ang paniningil kahit utay-utay sa mga customer na mahihirapan na magbayad nang buo. Ang singil ngayong Mayo ay tumaas dahil umano sa tumaas na transmission charge, taxes, at iba pang charges. Tumaas din ang generation charge, na ginagamit ng Meralco at electric cooperatives para bumili ng electricity supply.